女團COLLAR成員Marf邱彥筒推出首次個人單曲《*~Silencio…Shh》，並作出破格嘗試，在MV中她不單邀請《全民造星IV》決賽時為她伴舞的戰友上陣，她更以六個性感造型出現，分別穿上短裙及Bra top等型格服飾，晒腰露腿盡顯狂野。Marf說：「今次造型上好大突破，因為會露肉，係一個好嘅嘗試，事前我專登曬黑膚色，覺得皮膚黑啲撞落啲衫度會好睇啲。我好少着低腰褲露肚，仲要着好高嘅高踭鞋、短裙同貼身衫，所有嘢對我嚟講都好新奇。」
Marf不單落力跳唱，更有份參與新曲構思，她說出新歌的心情當然緊張，但最感激的是公司及經理人給予很大自由度，讓她參與新歌構思：「首歌嘅主題係講煩擾都巿人嘅訊息，點解我會有咁構思，源自有次『碌』電話，見到我有好多email未讀，問一問身邊人，原來好多人都係咁，於是我覺得呢個課題幾有趣。為咗方便大家明白我諗咩，事前我仲砌定一個PowerPoint，而家喺MV度逐一呈現我之前腦海諗嘅嘢，感覺好有趣。」至於和Winka同日推出個人單曲，Marf笑說：「我哋一齊籌備自己嘅Solo歌，感覺好sweet，我哋可以一齊做宣傳、又可以一次過帶兩首歌畀大家聽，好划算。」
Comments