早前《ACE演藝模特大賽》頒發「Uplive人氣之星大獎」，經過網民親自投票，以及以收取禮物U幣金額來計算，最終由莫麗淇Niki Mok 、Emmy Wong及「最美丫鬟」陳婉婷Hebe Chan分別奪得金、銀、銅三個大獎！
勝出衝榜活動的Emmy Wong，說非常感激粉絲的支持：「同時我好開心以觀眾身份觀賞《ACE演藝模特大賽》，係一次難忘嘅體驗。最感動嘅，係粉絲每次都好支持我，令我勝出任何比賽之後，佢哋經常都話不求回報，話支持我嘅原因，係欣賞我嘅唱功，喜歡聽我唱歌，同埋欣賞我嘅性格，覺得我係一個非常努力嘅主播，亦好佩服我嘅毅力。所以我一定會繼續努力，令大家每次入『小白兔燉紅蘿蔔』的直播間時，都會充滿歡樂，可以為粉絲同觀眾減輕工作壓力。我發現原來有好多人喜歡我嘅歌聲，令我有被認同、被欣賞嘅滿足感。最大得着，係喺直播行業得到一班不離不棄嘅粉絲，每一次嘅陪伴支持，我都會記一生一世！未來希望繼續有粉絲喺身邊，互相撐住大家，珍惜相遇嘅緣份。」
Emmy Wong絕對是「實力派」主播，曾試過一口氣唱足9小時，無間斷的演繹多首炙手可熱的歌曲或經典金曲，對於被粉絲封為「行走的CD機」，她說：「粉絲覺得我唱歌，除咗能夠感動觀眾，引起共鳴之外，唔少觀眾讚我唱得好有感情，好似播CD一樣好聽同穩定，就算我唱通宵，我都能夠維持好高嘅唱歌水準。唱完歌後，我會同粉絲分析歌詞，亦會同大家傾偈如討論時事、奇案、情感話題等，屬於非常全面嘅直播內容。我認為音樂能夠拉近人與人之間距離，用歌聲同粉絲們互動之外，我會用心聆聽粉絲同觀眾嘅心聲，記住佢哋講過嘅內容，一切用真心對待，粉絲一定感受得到！」
Uplive是香港第一大直播品牌，自2016年登陸香港後，用戶人數節節上升，目前香港註冊用戶已突破百萬人，主播更已衝破萬人，每日為香港在內的全球3億用戶提供嶄新娛樂直播體驗。同時在美國、印度、越南、沙地阿拉伯、東南亞等國家與地區營運，並服務全球150多個國家地區用戶。2019年Uplive榮獲Twitter授予的「最具國際影響力品牌獎」。
Comentários