無私奉獻感動人心！❤️南韓92歲婆婆朴春子（박춘자）將多年來賣紫菜飯卷所賺得嘅6.5億韓圜（約420萬港元），全數捐贈予貧苦兒童和殘障人士基金會。日前婆婆受青瓦台邀請，參加兒童保護團體褒揚與紀念捐款儀式，並接受總統文在寅夫婦接見。
朴春子婆婆自幼家貧，一直同父親相依為命，經常因無錢而捱餓🥺，至10歲起開始做小販賣紫菜飯卷維持生計。婆婆認為，以賺來嘅錢買嘢食係無比幸福，因此想將呢份幸福傳遞出去，而捐錢予貧困者，正是分享幸福之道。🤗朴春子婆婆唔單止喺92歲高齡捐出畢生儲蓄，其實早喺40幾歲時已經積極為唔同慈善機構做義工，甚至將自己嘅住所改造為中途之家，服務殘障人士。以愛傳愛，疫境之下需要更多正能量，幫助更多有需要的人😊👏🏻
┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅
Kommentare