前港姐冠軍陳凱琳於2018年和鄭嘉穎結婚後，不單密密造人先後誕下兩名兒子，事業上更另闢新路，近年轉型當KOL兼自創品牌，家庭事業兩得意，惟近日有指她吸金有道，兩年賺千萬，對此她很有微言。日前她接受鄭裕玲的電台節目訪問，說看到該報道後十分愕然及不開心：「我賺嘅錢唔係咁大，但係我唔舒服嘅位係，我覺得要感恩我哋現有嘅嘢，我唔會成日話買好多名牌攞上嚟畀大家睇，我亦都唔係呢類人，即係我老公話點解咁鍾意我，係因為我好慳家，所以我聽到嘅時候，我唔想大家注目去呢個錢銀上面，同埋喺疫情期間大家工作上都有啲困難，你喺呢個時候仲講呢啲咁嘅嘢，我就會覺得好唔舒服。」
另外，現時為明珠台節目《Love Matter》當主持及監製的陳凱琳，說在拍攝過程中獲益良多，如找嘉賓、寫稿等，是非常難忘的經驗，而首集嘉賓是朱千雪，主題是分享維繫婚姻之道。
相片來源：陳凱琳instagram
Comments