早前有黃牛黨為炒貴飛造勢，聲稱人氣王姜濤會在5月14日擔任張敬軒的個唱嘉賓，未幾張敬軒及姜濤方面立刻否認，怎料姜濤在周六（21日）驚喜現身，和張敬軒來個世紀合唱，震撼全城！姜濤出場前，張敬軒說已認識對方超過4年，盛讚他好學及謙厚：「佢好得意，佢第一次見我時好怕醜，唔夠膽講嘢，認識之後佢問我好多問題，全部都係關於唱歌同音樂，最令我感動，係佢會將啱啱拍好嘅MV或錄好嘅歌，send畀我問我有邊度唱得唔好，佢一路冇停止過令自己進步，當時我覺得呢個年青人好叻，因為喺樂壇要成為長青樹，係一定要有足夠嘅鬥志同埋將勤補拙，所以我當時同佢講：『你要加油！我買你贏！』呢兩年我好開心佢成為獨當一面嘅歌手！」
張敬軒說要和姜濤合唱《斷點》並笑言：「呢隻歌推出嘅時候，姜濤未出世！」合唱後姜濤說早前傳出他當嘉賓的消息時，其實是「收錯風」絕無此事：「之後我覺得不如將錯就錯！」由於姜濤一出場歡呼聲不斷，張敬軒更說：「見到今晚嘅聲勢，相信你個人演唱會都冇問題！」、「姜濤係一個好得意嘅男仔，每個長輩、同佢做過嘢嘅人，都會好喜歡呢個人，因為佢係一個好畀心機、好謙厚嘅人，好奇怪佢冇呢個age嘅『盲舂舂』，佢每一樣嘢都會問，乜嘢都想知，乜嘢都想學，所以我實在好喜歡呢個男孩子。」
備受讚賞的姜濤笑指張敬軒因要開個唱致「冇啖好食」，即場送上至愛的漢堡包及薯條並親自餵食，此時張敬軒得戚地說：「呢啲福利得我有！呢條薯條直情唔想吞落肚！之前幾場啲嘉賓送俾我嘅禮物全部都係紙製，唔知係唔係紅磡呢一頭比較興。今晚姜濤真係好，送一啲實用又食得落肚嘅嘢俾我，多謝你！」而姜濤也即場「偷食」，快手把薯條放入口。騷後張敬軒在ig轉發被餵食薯條一幕的合照，笑言像做檢測撩喉嚨！
相片來源：「The show must go on」youtube截圖、張敬軒ig
Comments