歌手張敬軒處男下海，初執導演筒拍「愛情動作片」！這部以手機拍攝的手機電影《前夫的愛》，原來所指的「前夫」，是一眾老婆「嫁」給MIRROR的「前夫」們！軒仔說：「雖然只係虛構故事，但實情喺我身邊係真有其事。曾經有位男友人問我，可唔可以幫佢拎到MIRROR嘅海報，仲話係不惜任何代價，好想送畀太太氹佢開心，所以呢個男仔成個過程係排除萬難，用盡各種可行方法，只係希望拎到張海報令佢心愛嘅人一笑。過程入面見到好有愛，所以好想將佢拍成電影，向呢班『前夫』致敬！」
對於首次做導演，向來妙語連珠的張敬軒搞笑的說：「我做咗一單我咁大個仔都冇做過嘅嘢，聽人講第一次，係會好緊張、會手心冒汗、仲會忍唔住嗌咗出嚟、身體某部份仲會充血 #個腦，我想話畀大家知係真嘅，事後，會令人好回味，仲會懷住一個好滿足嘅笑容去瞓，而家講番起真係紅都面晒！」、「而家諗番起拍攝當日都濕晒，講緊我個背脊同埋手心同埋個頭 #出汗丫」。《前》片由陳詠燊編劇，參與演出的包括陳湛文等。
相片來源：張敬軒instagram
Comments