男團MIRROR成員「教主」盧瀚霆（Anson Lo）於本月8日推出今年第二首個人派台歌曲《King Kong》，MV在YouTube發布一天，收看次數衝破120萬，氣勢如虹！Anson Lo在MV中不單又唱又跳，並大騷麒麟臂，同時又要執導MV，可謂是「多功能教主」。由於這是Anson Lo首次執導MV，加上大批樂迷「餓歌」已久，所以MV發布後獲大批網民及粉絲「神徒」留言分享「觀後感」，指曲風雖有別以前，但卻指歌曲訊息正面，給予正能量及自強不息的感覺，更有網民稱尤其感到不快或沮喪時，聽這歌更可為自己加油。
Anson Lo說MV靈感來自《移動迷宮》系列電影，想向該片致敬外，並想透過MV帶出良性競爭的道理：「喺乾旱沙漠上大家為爭一支水而展露唔同人性嘅決定同選擇，成個故事配合歌詞內容，比喻人為要得到想擁有嘅嘢而競爭，但其實同自己比較、或者贏自己外，好多時大家都可以一齊贏，擁有好好嘅成果，可以分享。」Anson Lo承認執導感到很大壓力，因顧及的事情太多，形容是「很驚慌的體驗」：「分開咗兩日拍，因為拍嘅嘢實在太多，故事情節同跳舞比例比起以往多好多，所以兩日用咗接近40小時拍攝。以往拍攝solo MV最多只需廿幾小時，所以今次係拍攝時間最長，亦係最攰嘅一次。」而他拍MV前更要為新劇開工，期間又要出席活動：「結果咁多日只係瞓咗3小時，所以休息時間亦係最少嘅一次，係一個破紀錄嘅MV。」
《King Kong》MV：https://youtu.be/VPhieoNkiec
相片來源：Anson Lo ig
Kommentarer