喺網絡發達嘅年代，只要願意將生活每一刻擺上社交平台，同大眾零距離互動分享，想成為網絡男神女神或網紅，話都冇咁易！
ACE ENTERTAINMENT新人Kylie C.（鄭杞瑤）出道一年已成為人氣模特兒及KOL，並是網上直播平台17 LIVE的爆紅主播。早前在社交媒體分析公司公布的「5月份10大人氣網紅名單」中，Kylie C.位居榜首，力壓被張敬軒「加持」邀任個唱嘉賓的陳蕾及Gareth T（湯令山）。樣子甜美，但身材是魔鬼Cup達36E的她，成為新一代宅男女神，其社交網站粉絲追蹤人數，更是由當初的不足1萬，躍升至現在已迫近14萬大關！
出道一年就榮升宅男女神的Kylie C.，其實出道前一直任職行為治療師幫助自閉症小朋友，不過為圓演藝夢而放棄高薪厚職，參加演藝模特兒大賽，為人生迎來重大轉機。「初初參加演藝模特兒大賽嗰陣我極度迷惘，好感激公司及兩位老闆；韓國社長Yong Heo及唐安麒博士嘅栽培，推動我學習唱歌及跳舞增值自己。我由一個素人乜都唔識，到依家接觸咁多新事物，包括拍廣告、做直播、出活動或參加義工活動，都係公司嘅支持同鼓勵，依家總算對未來有一點快樂嘅曙光，我會好好努力，勿忘初衷，希望繼續能夠得到大家嘅支持！」據悉Kylie C.近日接廣告接到手軟，機會浪接浪，名副其實會「生金蛋」，吸金力幾何級數上升。
為了維持人氣，Kylie C.好識做keep住在網上平台17 LIVE做直播與粉絲互動，在鏡頭前大派福利，觀眾睇得非常興奮，瘋狂留言大讚：「永遠支持你！」、「我的女神！」等等。Kylie C.表示網民的每一個留言或讚好都是鼓勵：「自從做直播後多咗好多網民認識，好似多咗班朋友咁陪住我支持我，我可以隨時同網民分享喜與樂之外，更可以畀佢哋多啲正能量，好享受同網民嘅互動！」Kylie C.更表示於17 LIVE做直播比傳統網絡平台更快更直接同粉絲溝通，可以即時知道網民反應，而且為網民帶來新鮮感和現場感，建議新入行的師弟師妹一定要做好17 LIVE 直播平台，同粉絲增加互動。
而喺啱啱喺亞洲最大型模特兒比賽《亞洲模特盛典香港賽區》及《ACE TALENT演藝大獎》中，獲得ACE Talent成人組別魅力大獎及17live 網絡人氣大獎的的士司機TimTim徐添寶，除咗係Kylie C.師弟，更加同樣係17 LIVE人氣直播主，連Kylie C.都經常看他的直播。唔知幾時會睇到Kylie C.孖住TimTim做直播齊齊吸金呢？
┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅
コメント