有「學霸甜心」之稱的新一代性感女神Kylie C（鄭杞瑤），近日以一身女特工造型拍Credit KO社交平台廣告，由於要穿上貼身黑色短Tee熱褲拍動作場面，故拍攝前Kylie C做足準備功夫，每天也跑步做gym、勤力做body treatment保持身段；加上跟足老闆「美容教主」唐安麒的健康瘦身餐單，成功減磅不縮胸，以最佳狀態呈現大家眼前。
Kylie C說：「我天生肥底，12月食咗兩三餐聖誕飯已經肥咗，之後兩個幾星期就不停清減，就算啲job拍到好夜，都唔敢食宵夜。」Kylie C一連兩星期努力做運動同儀器keep fit，拍廣告前三日更跟老闆Dr. Angel的極速減磅輕斷食餐單，只進食高纖蔬果及飲排毒果汁，最終成功瘦身不縮胸，廣告中盡顯36E豐滿上圍及蜜大腿。
而與Kylie C合作拍廣告的BrianBond（林灝邦），一向走型男模特兒路線，但今次廣告內竟以白恤衫配鮮黃色孖煙囱造型出場！「所有服裝都係廣告公司安排，當然拍之前我都有去試衫同試造型。」BrianBond指廣告籌備了一段日子，每一部分皆愉快地完成，又笑說Kylie C笑點低一見到他就難忍笑意：「佢一見到我個look就忍唔住掩面狂笑，笑到不受控制，好在正式拍攝時忍到笑冇NG，冇阻住大家收工。」BrianBond表示今後會大膽挑戰甚少接觸的搞笑角色，希望為大家帶來驚喜。
2021年參加Ace Talent大賽後加入「美容教主」唐安麒旗下的ACE娛樂的Kylie C.，英國讀大學時修讀犯罪學，畢業後任職行為治療師幫助小朋友，除中、英文外，更精通西班牙文，亦略懂韓文、日文及德文，非常好學，絕對不是得個樣！而她入行的終極目標是，希望有一日能夠拍電影，成為一名演員。BrianBond同樣加入ACE娛樂旗下並發展模界事業，上年代表香港到韓國出戰國際模界年度盛事《Face Of Asia》，獲得韓國首席時裝設計師李尚峰賞識。
【想知最HIT最爆香港韓國娛樂動態？LET'S GO《韓港報》！www.khongkongdaily.com.hk】
תגובות