歌手張敬軒在去年底舉行跨年個唱，因政府收緊防疫措施，期間原定今年1月6日至10日、13日至15日一共八場的演出要延期，隨着放寬首階段社交距離措施，演唱會的補場將於5月10日至29日舉行，合共16場。由8場變16場，是因為首階段放寬措施規定，入座人數只可以是全館人數的一半，相連座位不得超過四個，張敬軒決定唱多一倍場數，讓每位堅持不退票的歌迷可入場睇騷，認真有心！
另外，張敬軒也心繫一群DSE考生，親製「軒公長輩圖」及作了「七字真言詩」為考生打氣，他在網上發文：「各位朋友仔俾心機考之餘又唔駛太俾心機，唔好咁大壓力之餘，又唔好完全冇壓力；小心答題之餘又唔好過份小心，全力以赴之餘又要識得留力！總之一句講曬：你實掂嘅！軒公用咗畢生嘅心血，創作咗以下嘅七字真言詩送俾你哋傍身：『遇到困難唔好怕，念個虎字佢就走！精精靈靈考個試，答下答下就得咗！』
相片來源：張敬軒IG / 英皇娛樂FB
Comments