三大影帝郭富城、吳鎮宇和任達華於（6日）在屯門出席英皇電影《內幕》開鏡禮，同場有方中信及陳國邦等。原來城城和吳鎮宇是相隔22年後再合作，上一次的合作已是2000年的電影《公元2000》。戲中飾演大狀的城城可謂「多功能」：「戲內要打官司外，我要教小朋友跆拳道，所以呢排好努力去壓吓腿，有場戲係我同鎮宇打壞人，有動作同槍戰等，希望一星期拍得晒。」對於在端午節當日和兩個寶貝女去玩水上單車，他說：「本來係囡囡想去睇賽龍舟，去到赤柱先見賽事完咗，所以改去玩踩艇。」
另外，原來吳鎮宇的角色本由林峯主演，但林峯因檔期問題辭演，之後頂替的陳偉霆又因其他問題未能接拍，「執三攤」的吳鎮宇說不介意：「工作人員講好多說話安慰，我話唔駛嘞，最緊要係準時出糧。打動我去拍，唔係片酬，主要係演出嘅組合，之前同張學友謝霆鋒合作，今次同城城，所以我好開心，唔會介意。」
相片來源：英皇電影微博
Comments