已有6年冇拍戲的歌神張學友終於出山，和男神謝霆鋒合演邱禮濤執導的英皇電影新片《海關戰線》，他們相隔13年再合作，開工首日就要對戰，開槍駁火！《海》片舉行開鏡儀式，英皇電影老闆楊受成率領張學友、謝霆鋒、林嘉欣及劉雅瑟等現身，以海關造型上陣的張學友及謝霆鋒更是chok爆全場。
自言是歌神粉絲的謝霆鋒說：「我好喜歡睇學友哥哥做戲，佢演得太好，最近我由佢嘅電影《喋血街頭》開始，重溫佢嘅作品！」張學友得知首次擔任動作指導的謝霆鋒，為他親自設計動作場面，說感到十分放心：「我未試過做體能練習，今次只係博一博。如果埋位時傷就傷，唔傷就好彩！我係長輩，佢一定會對我好，總之放心交畀佢。」至於兩人會否為電影合唱主題曲，謝霆鋒笑說在歌神面前，不敢自稱是唱家班，而張學友聞言即說：「佢係唱家班，我拍戲以嚟好少會自己提出唱主題曲，多數係人哋要求我先會唱，如果霆鋒唱嘅話，我就唔唱，留畀佢喇！」在正式拍攝前，他和林嘉欣要拖著手傾偈培養感情，他笑說：「其實係導演叫我哋搞嚇曖昧，睇嚇有冇用，結果導演話唔用，就冇再繼續嘞。」
另外，於2016年和張學友合作電影《暗色天堂》的林嘉欣，說今次在戲中和對方要談一段沒有結果的感情，笑言每次跟對方合作，在戲內都是沒有好結果。而常拍文戲的她，對於有一場跨欄開槍戲，她自嘲是史上最遲鈍的madam：「呢場戲睇落好簡單，但我之後發現有很多瘀傷。拍攝時要認真聽指示，冇察覺到大腿腫咗，我真係需要做番啲運動。」而未有現身的吳鎮宇拍短片支持，以「相逢恨晚」來形容和林嘉欣首次合作。
像片來源：英皇電影Emperor Motion Pictures fb
Comments