女星鄧麗欣（Stephy）在本月26日擔任張敬軒演唱會的嘉賓，和軒仔合唱《十分愛》兼獨唱《他不准我哭》。軒仔說15年前拍電影《十分愛》時相識，笑言至今仍不敢重溫該片：「又乾又瘦，好似冇運行咁，但由於今晚嘅表演，喺後台化妝重溫片段，忍受唔到兩分鐘就熄咗。」他更說在戲中和Stephy有感情戲，但零感情交流：「其中有一幕講我想溝你，你坐喺個鋼琴隔離，呆咗咁望住我，但係我睇唔到你有愛嘅眼神。」Stephy即解釋因當時剛睡醒：「我好記得望住個咁靚仔、咁有才華嘅背影，但我個樣就好呆滯。」軒仔即插嘴：「唔係，你當時望慣咗另一個靚仔嘛！」所指的「另一個靚仔」就是Stephy當年的男友方力申。
軒仔的「轉數快」令全場拍手起哄，Stephy又笑又尷尬，軒仔本來以︰「我真係亂講嘢！」來打圓場，怎料Stephy突然來個反高潮：「其實我覺得個劇情都唔係咁好，你係一個咁有才華嘅靚仔，我喺戲裏面點解唔係揀你，揀咗阿力(方力申飾演)㗎呢？劇情唔係好得。」軒仔再發揮「金句王」本色秒回：「戲外十幾年後，你揀番我咪得囉！」
另外，女團COLLAR當晚也成為嘉賓並演唱《Call My Name》，獻唱前向軒仔送上醬汁，祝他「作品愈來愈高汁，有啖好食」，軒仔笑說：「你哋真係有老人家心，各位睇吓，而家啲後生，送禮好似去老人院探病咁，我呢位院友多謝咁多位義工！叔叔降番落去先，轉頭帶你哋去睇金魚。」
相片來源：冤枉娛樂ig, 鄧麗欣ig
Comments