歌手張敬軒在周日（7日）出席港鐵東鐵綫「Fun·紛藝術」活動，說想起昔日由廣州來港發展的日子，當時每星期都會乘火車來港，又說現在有時都會乘搭港鐵：「有時路面塞車，我都會跳車搭其他交通工具，發哥（周潤發）都係好榜樣，佢都成日搭公共交通工具。搭車時都會有人要求影相，其實對我嚟講係一個認可，當然喺街嘅話，以唔阻礙人做生意、同埋有秩序為大前提啦。」
男團MIRROR演唱會發生墮屏意外，軒仔立刻提供援助包括安排情緒輔導團隊，他說希望外界繼續為已甦醒的傷者阿Mo（李啟言）打氣外，承認有跟花姐及部分MIRROR成員聯絡，知道MIRROR每日努力整理情緒，畢竟是次意外造成極大打擊，尤其盧瀚霆（Anson Lo）及呂爵安（Edan）在事發現場，認為他們需要更多關懷。軒仔說自己曾陪伴病犬留院長達1個月，期間看盡生離死別，承受不少精神壓力，所以他對MIRROR的意外，會看得比較嚴重。日前他否認花費80萬元包下多間酒店房間給MIRROR成員及舞者入住，被問到是否想低調地做好人時，他只說：「咁我寧願唔幫呢啲忙！」
至於近日開騷的Tyson Yoshi要認軒仔做「大佬」，感謝幫忙解決網上直播問題，軒仔說出道以來，走過不少彎路：「其實呢20年我都係賺番嚟，冇嘢係應份得到，個天到我嘅知識同經驗，正所謂授人以漁，我以前都受咗好多前輩嘅恩惠，都係良性循環啫！」
相片來源：張敬軒ig, 呂爵安ig
Komentáře