久未露面的影后張曼玉（Maggie）在周四（23日）晚上，以特別嘉賓身份，現身GUCCI香港置地廣場旗艦店的重新開幕活動，並化身DJ在現場打碟及設計歌單，令現場的嘉賓包括郭富城、謝霆鋒、麥浚龍、Tyson Yoshi、Amy Lo（盧慧敏）驚喜萬分，期間郭富城欣賞影后打碟時也忍不住手舞足蹈！
自言是GUCCI粉絲的郭富城，說有買該品牌的鞋履給女兒，他笑言長女「大寶」有個人衣着品味，喜歡自己揀衫：「佢比較奄尖，識得去選擇，但二寶就暫時未。有時出街佢哋都幾煩，因為佢哋會揀嚟揀去，呢件唔着嗰件又唔着，其實等佢哋換衫都係一種樂趣！」
至於久未在港出席品牌活動的謝霆鋒全程戴着黑超，原來是要遮着傷口，他說拍新片《海關戰線》其中一場動作戲，要由十多米高跳下來，試戲時因忘掉脫下眼鏡，故跳下來跌落軟墊時，被眼鏡弄傷右眼眼角並留下長達1吋的疤痕：「真係無啦啦整撻瘌，今次受傷對於我嚟講都幾無聊，動作演員就係咁，但都唔想影響日後工作，媽咪（狄波拉）都知我受傷，今次自己輕視咗，以後會更小心。」他續說下月要飛往北京拍新戲，問他留港不久就返北京，是否不捨得當地的人，即是暗指女友王菲時，他說：「工作安排去唔同嘅地方，一路變都未知。」
Comentarios