無綫花旦李佳芯為楊詩敏（蝦頭）和連詩雅主持的節目《絲打圍爐》擔任嘉賓，對於拍戲時會否容易戲假情真，李佳芯自爆曾有迷失的時候，曾一度懷疑是否愛上對手陳豪。曾和陳豪合作多部劇集的她，說初時合作因雙方的角色設定是敵對，加上自己性格慢熱，所以雙方不太相熟。直到合演《誇世代》時有感情線，經相處後覺得陳豪戲內戲外都是十分照顧他人，加上又是好爸爸及好丈夫，李佳芯說：「如果我早幾年入行，如果佢未結婚，我真係會中，因為佢真係一個太好嘅男人。有時見佢成日同太太視像通話，真係好sweet，會覺得呢個男人好到做老公一流，仲會有『呢種男人喺邊度搵？』嘅感覺。」
形象自信獨立的李佳芯，說在現實生活中，也是不會主動求救解困的人，即使拍拖時一樣，會令對方會有不被需要的感覺：「我冇畀到對方我好需要照顧嘅感覺，佢成日覺得我可以自己搞掂，我會覺得唔好煩，自己做到就做，其實好蝕底。」所以她有感要學懂如何坦率表達自己的感受：「例譬如撒嬌可以當係情趣，用一啲方法令對方覺得，原來我係需要關心、需要你。」
相片來源：《絲打圍爐》截圖,李佳芯ig,陳豪ig
Comments