出道18年的歌手周國賢終一圓紅館夢，並於周日（4日）完成一連三場的演唱會，在3度encore下，唱到凌晨1點。期間他多次表現感觸及爆喊，他獻唱寫給太太的歌曲《天使》，突然借歌指雙方關係已不同：「呢首歌係我19歲寫，拍緊拖，首歌係寫俾佢，經過咁多年，原來從來冇站喺佢角度諗嘢，依家Status 已經唔同咗，如果當年首歌有唱俾佢聽，而唔係唱俾自己，個結局會唔會唔同？」
而周國賢又稱過往是「身在福中不知福」，哽咽感謝多年來親朋及樂迷的支持：「過去18年我都係身在福中不知福，上天好公平，畀咗我好多機會學嘢，拎走咗我啲好重要嘅嘢，先學識咗啲好沉重嘅課題，有啲好close嘅屋企人、朋友已經失散咗，接下來都會化做我人生動力。」
演唱會後接受訪問，周國賢承認和太太已分開超過一年，但現在仍深愛對方：「我係到講一次，以後唔會再講，我同佢超過一年半前已經分開咗，始終佢唔喺公眾人物，我唔想將呢件事變成好大，我哋依然好深愛對方。我都好感恩佢陪伴咗我21年嘅光陰，我哋選擇用另外一種方式去愛，我亦都會繼續履行做爸爸嘅責任，直到老為止，所以大家唔使再擔心。」周國賢和韓籍太太在2001年結婚，婚後育有3名女兒，曾多次傳出婚變。
相片來源：stardust.platform33 ig, 周國賢ig
留言