歌手謝安琪（Kay）及張繼聰結婚15年，但在日前首次以夫妻檔姿態出席活動吸金，為新車揭幕儀式擔任嘉賓。Kay說和老公一起出席活動感覺十分新鮮：「除咗大家做新人時一齊做過訪問，結婚之後都冇試過，我唱歌多啲，佢就演戲多啲，真係好少撞到，喺屋企都好少撞到。」在旁的張繼聰打趣說：「咁又唔好咁講，偶爾都會見到，會互相問候。今次酬勞幾多，要問返我主人，直接喺晒佢度，只可以講價錢係有誠意，當然唔係平，但物超所值。」
和老公都是愛車之人的Kay，大讚對方有良好的駕駛態度，指自己初出道時曾坐對方車，感覺如坐巴士一樣：「同架巴士差唔多速度，我諗點解我唔搭巴士呢？當時有加佢分，人品幾好，揸車情緒反映出佢心理素質唔錯。」對於MIRROR演唱會一票難求，Kay和張繼聰異口同聲說沒有門票，張繼聰說：「唔好話我哋有冇，連佢哋自己都唔知有冇，唯一係每次見到佢哋，都問可唔可以開一年，好辛苦，不停有人問有冇飛。開一年太誇張，9個月啦，整體嚟講好開心，好耐冇呢個熱潮大家搶飛，好戥佢哋開心，佢哋係好有潛質、好乖，好努力嘅年青人，講咁多說話，都希望佢哋醒兩張飛嚟畀我睇下，哈哈！」
相片來源：謝安琪ig
Comments