人氣男團MIRROR「教主」Anson Lo（盧瀚霆）網晒chok相並預告說會拍短片大玩「你問我答」，收集廣大粉絲問題，大批粉絲「神徒」當然一呼百應，不單大讚百忙中的「教主」不忘抽空拍片跟粉絲互動，更紛紛留言寫下心水問題，包括「幾時有《大叔的愛》續集？」、「花姐同姜濤跌落水你救邊個？」「MIRROR入面同邊個最Friend？」、「舊年發生過最開心嘅五件事？」、「有冇同成員嗌交？」等等，不過身為經理人的花姐卻「突破盲腸」，親自留言提出一個問題：「幾時畀家用？」
花姐這個提問即吸了逾4千個Like，兵來將擋，Anson Lo立刻「以柔制剛」來回應花姐：「親手煮嘢畀你食當家用，夠唔夠膽食？」這個答案令不少「神徒」拍爛手掌狂讚，更幫手「助攻」反問花姐：「你有冇畀飽飯教主食？」、「教主好孝順你！」、「花姐你如果唔夠膽食，我哋個個都食喎！好樂意幫你頂！」不過也有「神徒」笑言叫「教主」要收歛：「小心花姐會即刻炒咗你！」
Yorumlar