在劇集《愛‧回家之開心速遞》飾演「細龍太」的陳偉琪（Vicky），離開無綫後為求發展順利，早前宣布改名為陳思圻。日前她接受林柏希主持的網上節目《月傾會》訪問，對於男團MIRROR成員「皮皮」陳瑞輝（Frankie）是她的堂兄，她堅稱不會借對方名氣「搵着數」：「佢係Keep住靚仔，跳舞好型，又成日笑，係一個好順得人嘅人，乖仔！」
在訪問中Vicky大爆曾被《愛》劇中一個「大前輩」當眾以粗口怒罵：「好多人會想教你點樣做嘢，但你教我係真心想教我呀？定係你想Show畀大家知你係Number One呢？直接就X交叉你：『你識唔識做戲㗎？你乜乜乜乜乜呀！』其實我睇緊啲位，諗緊點樣做，但佢已經X交叉你！」大批網民競猜「大前輩」是誰，滕麗名及呂慧儀成為「大熱門」，而滕麗名否認是「大前輩」：
「Vicky好Nice，對我好好，唔好亂估。（係咪呂慧儀？）逐個咁問，咪知係邊個，唔答喇。」
另外，Vicky自爆「改名費」是向朋友借來，借款達6位數字：「係問朋友借錢幫我改名，然後逐個月還！」對於一直被指是住獨立屋的「有錢女」，她說：「唔知點解傳到咁！我細個時爹哋係搵到啲錢，家境OK，住咗20年跑馬地，之後就搬咗！依家要睇餸食飯，因為老人家退休，有出冇入，佢哋都好慳住使！」
要紅要上位，也有另類捷徑，Vicky一直抗拒「潛規則」，她爆料稱曾被名字有「3個字」的著名電影製作人游說合作：「佢話上嚟Office傾吓，我心諗去Office唔使驚啦！佢話畀我做女主角，簽10年Contract，仲同我講：『你收入唔穩定，不如咁啦，你跟我出Trip做我女朋友，每月畀2萬蚊！』跟住佢想咀我，我嚇到即刻擸手袋走！」她更說曾有人開高價100萬元邀請做活動司儀，她深知是另有企圖，未有理會，更揚言就算開出「3千萬1晚」的條件，都會不為所動，她說：「因為你會遺憾一世！」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #細龍太 #陳思圻 #陳偉琪 #vickychan #mirror #frankie #皮皮 #陳瑞輝 #皮寶寶 #愛回家 #愛回家之開心速遞 #呂慧儀 #滕麗名 #月傾會 #林柏希
相片來源：陳思圻ig, 陳瑞輝ig, 呂慧儀ig
Comments