藝人陳豪出名是「愛妻號」，和太太陳茵媺的恩愛甜蜜有增無減，無論拍拖或結婚，都從未冷戰吵架，大概信任及尊重，就是令感情歷久常新之道。不過要建立家庭，甚至維持家庭日常運作，如照顧小孩及財政處理等，非單靠一個「愛」字。陳豪日前出席活動時，自言和太太分工清楚：「男主外女主內，太太處理家頭細務，所有財政上如學費，全部都係佢處理，我就負責去搵錢。佢好精打細算，每樣嘢都格過價先買。」
肩負搵銀重任的陳豪一直「盡責」，向來是廣告商寵兒的他，即使在疫市下仍接拍不少廣告狂吸金，他說保持正面態度及自律是要訣：「做人態度同思維會影響下一代，有理想有夢想係好事，但係一定要去實行，正如做藝人，一定要把持到自己，將自己嘅光帶出嚟，俾人知你係邊個，愈透明愈好，觀眾先會接受你。」
陳茵媺已有八年冇拍劇，有傳她將會出山並跟陳豪夫妻檔上陣拍劇，陳豪說一直以來都有人邀請太太拍劇，只是因忙於照顧子女而分身不暇，更笑言和太太一起開工，最擔心的是子女們的反應。
相片來源：陳豪ig,陳茵媺ig
Comments