上年代表香港到韓國出戰國際模界年度盛事《Face Of Asia》的BrianBond（林灝邦），除了獲得韓國首席時裝設計師李尚峰賞識，更隨即成為廣告新寵兒。最近他夥拍同門師姐、新一代性感女神Kylie C（鄭杞瑤）拍Credit KO社交平台廣告，更拋開型男模特兒包袱，在廣告中以騎呢造型上陣，搞笑騎呢程度令Kylie C勁爆笑！
BrianBond外表靚仔又高大有型，多數在廣告中見到的他又chok又high fashion，但其實BrianBond落力起來毫無形象可言。在今次廣告中，BrianBond以白恤衫配鮮黃色孖煙囱造型出場，令男神形象瞬間崩壞，最爆炸是BrianBond一身騎呢look但又要表情認真講對白，反差感極大！「第一次飾演呢類角色，好好玩好過癮！平時拍硬照廣告都係Chok樣，做呢類角色就可嘗試好多細微表情。起初擔心造型騎呢，觀眾會唔鍾意，但諗深一層，咁樣先至印象深刻，亦代表我成功吧！」
作為對手的師姐Kylie C大讚BrianBond，指他願意捨棄型男包袱傾盡全力搞笑非常敬業。「BrianBond個look真係好爆，成日不經意嘅整蠱做怪，好搞笑，好彩我忍到笑冇NG。」今次廣告Kylie C要化身女特工潛入寫字樓，不乏動作場面。Kylie C自言向來缺乏運動細胞，需要些時間才能進入狀態，雖然過程遇到少許意外，但她坦言是一個很好的經歷，多作不同嘗試，更能擴濶自己的視野。
2021年參加Ace Talent大賽後加入「美容教主」唐安麒旗下的ACE娛樂的Kylie C.，英國讀大學時修讀犯罪學，畢業後任職行為治療師幫助小朋友，除中、英文外，更精通西班牙文，亦略懂韓文、日文及德文，非常好學，絕對不是得個樣！而她入行的終極目標是，希望有一日能夠拍電影，成為一名演員。
【想知最HIT最爆香港韓國娛樂動態？LET'S GO《韓港報》！www.khongkongdaily.com.hk】
Comments