酥炸芋角、鵪鶉蛋燒賣、沙嗲豬大腸，本土傳統懷舊手工點心絕對買少見少。元朗人氣街坊茶樓老馮茶居走老香港風格，由入行40幾年、曾擔任鳳城酒家總廚嘅馮耀榮師傅主理，所有懷舊點心即叫即蒸，樸實無花巧，早前茶居仲殺入荃灣！😉
新店繼續供應懷舊點心，鍾意食香口嘢必食五柳炸雲吞，五柳入面有糖醋紅薑、糖醋筍、紅醋木瓜、糖醋紅蘿蔔、糖醋橋頭，卜卜脆炸雲吞皮包住原隻大蝦，再配上並非人造色素調較而成橙紅色甜酸汁，勁惹味！🤤另一招牌老馮金沙米皇腸，香滑腸粉內包住炸米網蝦春卷，外滑內脆，原隻蝦肉鮮味彈牙。除咗點心，亦有供應砵仔飯🍚。砵仔蒸飯受熱均勻，白飯蒸得粒粒分明有口感。蝦醬腩仔飯精選肥瘦均勻五花肉切成薄片，搭配自調蝦醬，夠晒鹹香。
🔻 老馮茶居 荃灣店 🔻
地址：荃灣眾安街68號千色匯II期地下G30-G33號舖
주소：Shop G30-G33, G/F, Kolour Tsuen Wan II, 68 Chung On Street, Tsuen Wan
┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅
コメント