蘇豪唔止飲酒，仲有得食精心秘製香濃馬拉菜！Brick by Brick係一間酒吧同時主打馬來西亞菜，唔少客人為咗喇沙/肉骨茶而來。招牌喇沙湯膽自家炒製，用上大量新鮮蔬菜香料，絕無味精及糖。屬於馬來西亞🇲🇾的咖喱喇沙款式，無新加坡喇沙的濃烈椰奶味，湯底味道清甜順喉，又酸辣開胃；另外特別配製胡麻辣醬，辣中帶甜，提升喇沙湯的複雜味道層次。麵底係正宗摻摻做法，混合油麵米粉，油麵掛湯米粉吸湯。每份可自選配料包括鱻魚三寶、雞絲扎肉或秘製日式叉燒，而人氣首選🔥「珍寶大蜆拼海蝦咖喱喇沙」，除咗足料海鮮配料，廚師仲會將King Size新鮮蜆放落喇沙湯煮，蜆汁融入喇沙湯底顯得格外鮮甜😋。
另一道招牌菜肉骨茶，特意改用豬軟骨，有別於坊間的一字排，軟骨燜得透身而且口感軟糯，有咬口之餘又唔怕食到碎骨。湯底偏馬來西亞風格，藥材味芳香濃郁，餘韻有淡淡白胡椒味，肉水比例1:1，無額外加水，保持原汁原味，飲完好暖胃、温和又唔燥，啱晒香港人體質。肉骨茶配搭秘製蒜泥醬及米餅油條，前者令豬軟骨更惹味；後者脆卜卜又吸湯。餐廳仲有做即食喇沙及肉骨茶，只需要將材料包連袋放入熱水淥一陣就已經可以食得返餐廳嘅味道🤤，方便又快捷，喺屋企都可以隨時食得滋補馬拉菜。
Brick By Brick
📮 中環士丹頓街21號地庫(俊榮里入口)
⏰ 逢星期一至六 12pm - 4pm
☎️ +852 9884 0308
【想知最HIT最爆香港韓國動態？LET'S GO《韓港報》！www.khongkongdaily.com.hk/ 】
┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅ ┅
Comentarios