《SPACE Music Festival 音樂會》連日在西九舉行，韓國天后HyunA泫雅chok襲港，和女團LOLLY TALK 、歌手kayan9896、張蔓姿 、張蔓莎、KALAI家麗、Jaime張天穎及澳門的著名 DJ 組合 NAMXSIS 舉行全女音樂祭！先由kayan9896 打頭陣，跳唱《Be around》等曲，獻唱《深夜浪漫》等歌的張蔓莎叫Fans「嗌大聲」啲：「今日有Fans PM我，話會叫到中環都聽到，希望大家用末日嘅心情去聽呢首『到時見』！」
至於新晉女子組合Lolly Talk，獲眾多粉絲「波板糖」舉燈牌應援支持，Lolly Talk說：「今日好有意義，因為一年前係第一次正式表演，估唔到由細場地唱到第一次戶外騷，你哋係咪都喺度？」
HyunA泫雅壓軸演出，十分興奮的跟香港Fans打招呼，跳唱多首金曲《IM not cool》、《Lip&HIP》等，連場熱舞，並有摸胸等誘人舞姿，親民的她以廣東話打招呼：「大家好，我係HyunA！」，並以韓文說十分掛念大家：「好耐冇見，大家準備好同我一齊玩未？我準備咗幾首歌，想同大家一齊唱，我哋一齊唱！」當見Fans識唱她的首本名曲《Lip&HIP》時，她開心得大派心心，更接過台下Fans的手機，一起拍大合照外，期間有Fans太激動致爆喊，她主動關心對方：「Are You OK？」場面搞笑，最後她以一曲《BUBBLE POP》為音樂會畫上完美句號。
Commentaires