MIRROR成員「教主」盧瀚霆（Anson Lo）於前日（12日）推出的全新跳唱歌曲《Nah》，在官方YouTube頻道上架不足兩天，截至今日凌晨，收看次數衝破110萬，並是YouTube熱爆影片第1位，熱爆音樂影片第2位，氣勢迫人！無論是作曲或MV造型，教主都是全情投入創作，和監製Edward Chan與團隊一同製作的他說：「創作時我哋會哼一啲旋律，我自己哼時會用上『Nah』字，然後靈機一觸，記起『Nah』字有『No』嘅意思，同歌曲要向收埋自己嘅個性Say No好匹配，所以就將歌名索性叫做《Nah》。」
教主說無論處理大事或小事，時有慌張並擔心未能達到要求，《Nah》表達今年上半年他的反思及自省，提醒自己要學懂放鬆：「聽落好似好幼稚，但相信好多人都聯繫到，有時我會好想隱藏自己驚恐嘅一面，盡量表現一個體面嘅形象俾大家睇，變相個人愈嚟愈繃緊，所以想提醒自己學會放鬆，接受同擁抱自己軟弱嘅一面。」
教主在MV中扮演驅魔有道但實質超驚鬼的驅魔人，造型花盡心思，但有苦自己知：「驅魔人嘅髮型有兩隻角，係Set頭時突然諗出嚟，係出道以嚟拍攝上最辛苦嘅一次，因為當日發出酷熱天氣警告，但我哋仲要喺咁熱嘅天氣，喺好焗促嘅公寓景拍攝，密不透風，但着晒皮褸，裏面仲有幾件衫，好侷，感覺好似就嚟暈。4年嚟未試過未拍跳舞已經由頭到腳，甚至內衣褲都已經濕晒，但最擔心係瘦咗！本身條皮褲唔使用皮帶，但拍咗3小時後要用皮帶，因為條腰幼咗，愈拍愈瘦。」
至於另外3個造型，如裙褲類的腰封及畫家帽，教主說：「平時怕戴帽跳舞會甩，好多顧慮，但今次Chill得來又玩味，戴帽會幾得意，所以就試試。」另外一個紅色上衣造型，是教主至愛：「無聊時諗，帶個飛行眼罩喺頭，玩味感重，亦有啲得戚感覺，成條褲穿窿，比較大膽呢！」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #mirrorweare #AnsonLo #ansonlo盧瀚霆 #ansonlo應援 #ansonlo盧瀚霆 #ansonlohonting #ansonlonah #nah #nahansonlo #教主 #神徒 #Youtube
Comentarios