Ian輕彈姜濤額頭。
型！
姜濤戴着口罩打足全場。
Stanley,姜濤,Ian, Edan
MIRROR出來了！自7月底演唱會意外後，MIRROR停工逾兩個月，成員姜濤、陳卓賢（Ian）、呂爵安（Edan）及邱士縉（Stanley）昨日（21日）復工，和ERROR成員梁業（肥仔）和郭嘉駿（193）及張繼聰等，出席ViuTV重頭劇《季前賽》記者會，並根據劇中角色換上球衣對戰打籃球。姜濤、Edan和Stanley屬「痴漢隊」，Ian屬「翰林大學隊」，雖然姜濤比賽時戴口罩，但仍跑足全場，Edan、Stanley及Ian也打得落力，最終「翰林大學隊」以13比5打贏「痴漢隊」。輸波的「痴漢隊」要接受大懲罰，就是被對手彈額頭，Ian選罰姜濤，但十分留手，只輕輕彈姜濤額頭。
【姜濤被批外遊：我只想離開】
姜濤受訪時表示之前一晚心情非常緊張︰「演唱會兩個幾月之後第一次見傳媒同咁多人，但始終大家想勇敢啲出嚟面對，始終都要收拾好心情同大家一齊行。」問到有否發噩夢，他說：「冇辦法，係會一直去諗，呢個唔係短時間可以消化到嘅事。我有時都唔夠膽去諗，想像唔到傷者嘅心情。冇辦法，都要一段時間。我覺得始終都要收拾心情，去重新面對番大家。」
早前姜濤與家人外遊，竟惹來部份聲音指不恰當，他說︰「我知大家一定有呢個疑問，冇辦法，我好想離開呢度散吓心。我應承咗屋企人好耐，想帶佢哋去旅行。都考慮咗好耐，我覺得我嗰時淨係想離開呢度。」
【Ian辭演電影：要再沉澱】
Ian說︰「第一次同大家見面，都要預備好自己嘅心態同調整好自己。始終有一陣子冇工作，自己沉澱咗一段時間，所以都要整頓思緒。」對於要辭演電影，他直言至今仍未完全準備好，要再沉澱︰「作為第一部電影作品，我其實好緊張，好想百分之二百做好。辭演係8月時做嘅決定，因為我當時認為自己未揣摩好角色同投入拍攝。電影公司話等我，睇吓10月尾會唔會好啲，但我認為冇必要令劇組百幾人等我一個去調整自己，好似拖累咗進度，而當時亦未知自己10月時嘅狀態會係點，會唔會勝任到呢個工作。」
【Stanley含淚望早日探阿Mo】
至於Stanley的情緒有明顯起伏，一度眼紅紅及含淚，他說沒有患上創傷後壓力症：「可能因為自己喺同一個表演，亦都係跳舞出身，所以比較上心，公司請咗醫生顧問團隊嚟評估我，評估我嘅情緒屬於正常。我覺得好難話完全冇事咁，我哋都要慢慢pick up番件事同回復心情。你話習唔習慣，未完全習慣，因為都隔咗好耐冇見大家。公司有因應我哋嘅情况，再慢慢安排工作量。」他說他們很想去醫院探望舞蹈員李啟言（阿Mo），但公司指醫院探訪人數有限制，現階段他們不適合前往。Stanley說︰「我哋有透過公司一直update佢嘅情况，希望遲啲有機會。」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #MIRROR #mirrorhk #mirror應援 #mirrorweare #季前賽 #姜濤 #keungto #陳卓賢 #ianchan #StanleyYau #邱士縉 #weallare #error #error肥仔 #error193 #肥仔 #梁業 #郭嘉駿 #ViuTV原創劇 #季前賽 #WEGOTGAME #makerville
Comments