鄭伊健前晚（23日）在紅館舉行第五場《HERE & NOW演唱會2022》，大批圈中好友包括男團ERROR、蔡一智、周秀娜等前來欣賞。鄭伊健連場快歌《極速》及《全城效應》等已令觀眾不禁一起跳唱，連串百聽不厭的慢歌《感激我遇見》、《一生愛你一個》、《動地驚天愛戀過》和《只會因你唱》等，全場觀眾更亮起手機燈大合唱。在Encore環節中伊健更唱動畫《數碼暴龍》主題曲《自動勝利Let's Fight》，掀起集體回憶！
多謝全場觀眾的伊健，更特別感謝ERROR，令台下的肥仔、阿Dee及193興奮得大派心心，伊健說：「我上一次演唱會，返去減壓就係睇你哋嘅《花姐Error遊》。我知道今次得兩集，所以我未睇住，多謝你哋畀我哋歡樂。我知你哋開演唱會，加油啦！」
193接受傳媒訪問稱小時已喜歡伊健，而他們都是跟同一個唱歌老師，有次去學唱歌時，知道對方會透過ZOOM上堂，即把握機會打招呼：「我喺ZOOM同佢講：『我細細個就睇你㗎喇，好鍾意睇你呀！』跟住伊健就話：『我唔係細細個睇你，但我大個有睇你㗎，好鍾意睇《ERROR遊》嗰啲。』之前已想請伊健合作，但一直未成事，我好想同伊健合唱《數碼暴龍》主題曲，同埋最好拍到《伊健ERROR遊》！」
部份圖片：193 ig, 阿Dee ig
Comments