Sammi和沈月成為全場焦點。
沈月繼承母親邱淑貞的美麗因子。
魏浚笙秘密練兵闖樂壇。
上月50歲生日的樂壇天后鄭秀文（Sammi）前晚出席時裝品牌Valentino活動，為配合活動主題「螢光粉紅」，她和所有來賓包括邱淑貞女兒沈月、魏浚笙（Jeffrey）等，全部以同樣顏色的服裝上陣。
Sammi說花了一星期狂吃狂飲來慶祝50歲生日，現在已重返健康的生活模式：「最近做緊新歌，有好多工作做。（入紙排期開演唱會？）排緊期，希望2023年可以做到，對於檔期我係樂觀，因為呢一年對我意義重大，想紀念50歲。（開足50場？）唔知搵唔搵到咁多人睇喎！就算減一半開25場，到時再諗，但體能上我相信應付到，依家嘅我同10年前冇分別。」她續說稍後會到歐洲短暫逗留工作外，更會接演新戲。
另外，Jeffrey透露有意進軍樂壇，已秘密跟歌唱老師學唱歌超過8個月，打算問好友呂爵安（Edan）意見外，自言很喜歡台灣歌手林宥嘉的歌，問到他的聲線是否似對方，他笑說：「如果自己話似，都幾嘔心，我喜歡佢嘅歌，唔一定要似。做跳唱歌手？唔排除呢個可能，但可能性極低，因為小弟有少少手腳不協調。」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #鄭秀文 #Sammi #SammiCheng #三米飯團 #紅館 #邱淑貞 #沈月 #ayla #JeffreyNgai #魏浚笙
相片來源：鄭秀文ig, 沈月ig, 魏浚笙ig
Comments