女星鄭秀文（Sammi）7度角逐香港電影金像獎「最佳女主角」，終於憑電影《流水落花》，在劉德華手上接過等待多年的影后獎座。上台奪獎時Sammi激動爆喊，感謝天上的父親，也感激母親、姐姐及弟弟的扶持，說常認為此獎項是遙不可及，同時又覺得一步之遙，常想應怎樣才可進步，令演技可有所提升。
Sammi說：「我想同天下間追夢嘅人講一聲，追尋夢想嘅路途好困難，我好想你記住我，記住呢一刻，記住我得獎呢個畫面，夢想係留畀永遠唔放棄、一直堅持嘅人。我要多謝上帝，我要將今日呢個榮耀頌讚歸畀上帝，我要感謝祢，冇畀我一路順風，就係冇呢啲一路順我，讓我更懂得謙卑柔和，但我柔和唔到嘞，我真係好開心呀！我終於唔使企喺賽道上面、喺後面默默陪跑，我終於可以昂首衝線，我係衝線嗰個！」
奪得影后寶座，更獲「最佳原創電影歌曲」的Sammi，在慶功宴上Sammi上，說一直等待的不是獎項，而是進步：「係等自己進步，演藝上面蛻變，等人哋願意相信我，唔只係喜劇演員，我覺得呢條路好難，尤其以前演開咁多喜劇，大家好認同，已經有固定框框覺得係一個喜劇演員，要做正劇真係唔容易，加上歌手身份，好多固有睇法放喺我身上，所以今日攞到呢個獎得來不易。」
老公許志安在家中看直播見證，Sammi說他有給她恭喜訊息：「頭先未得閒check電話，不過都已經好多message。佢有嘅，幾日揀衫、練歌，佢係一路陪住我行，開場之前都有send message鼓勵我。我好感動，我覺得咁多年一直都喺台下帶住微笑同自己打氣，令支持我嘅人唔好擔心，呢次我反而想真正表達感受，所以畀自己最真實嘅感受流露出嚟。」
劉青雲憑《神探大戰》第3次奪金像獎影帝，感謝投資《神探大戰》的楊受成、編劇韋家輝及台前幕後，更多謝太太郭藹明忍受自己，因自己在戲外已是「神探」：「佢哋其實成日都見到『神探』，佢哋用咗超乎一般人嘅忍受能力同我工作，佢哋每一日接受一次核爆。如果大家有夢想，只要肯努力，夠長命，夢想就會有一日，好奇怪亦帶點遺憾咁去實現，不過唔緊要，世事豈能盡如人意，我仲要多謝鏡頭前嘅大家，熱愛香港電影、熱愛香港嘅朋友，掌聲、噓聲我都會接受，因為總好過無聲。」
《第41屆香港電影金像獎》得獎名單
最佳電影：《給十九歲的我》
最佳導演：韋家輝《神探大戰》
最佳編劇：韋家輝、陳偉斌、麥天樞《神探大戰》
最佳男主角：劉青雲《神探大戰》
最佳女主角：鄭秀文《流水落花》
最佳男配角：許冠文《風再起時》
最佳女配角：王菀之《飯戲攻心》
最佳攝影：鄭兆強《神探大戰》
最佳剪接：李謙明、張釗、石繕滎《正義迴廊》
最佳美術指導：雷楚雄、黃敏軒《風再起時》
最佳服裝造型設計：吳里璐《風再起時》
最佳動作設計：黃偉亮《明日戰記》
最佳創電影音樂：黃衍仁《窄路微塵》
最佳原創電影歌曲：我這樣活了一天《流水落花》作曲：永夏 填詞：林若寧 主唱：鄭秀文
最佳音響效果：Nopawat Likitwong、游國樑、Sarunyu Nurnsai、Dhanarat Dhitirojana《明日戰記》
最佳視覺效果：鄒志盛、梁偉傑、郭泰、羅慧媚《明日戰記》
新晉導演：何爵天《正義迴廊》
最佳亞洲華語電影：《海的盡頭是草原》
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #鄭秀文 #sammicheng鄭秀文 #Sammi鄭秀文 #劉青雲 #流水落花 #神探大戰 #香港電影金像奬 #第41屆香港電影金像獎 #金像獎 #最佳女主角 #最佳男主角 #影后 #影帝 #許志安
Kommentare