昨日（11日）MIRROR出席903 ALLSTAR籃球賽，是演唱會意外後首次全團亮相，惟比賽期間姜濤發生意外致右腳受傷，需中途離場。11子接受訪問時被問到姜濤的傷勢，Lokman說：「情況暫時未知，見佢頭先入休息室，佢就好痛咁，要去醫院詳細check下先知嚴唔嚴重，佢平時唔係咁渣，不過可能今日好勝心咇出嚟，用力過頭。」AK指姜濤傷及舊患，平時在維園只是打半場，較少打走動較多的全場，馬有失蹄。
演唱會墮屏意外調查報告同日出爐，成員中最快開騷的Anson Lo，說會跟表演單位及舞蹈員作充份溝通。有指當其他成員繼續回應傳媒問題時，Anson Lo不斷低頭，突然轉身背向傳媒，在後排偷偷飲泣，Tiger、Edan、Alton等當人牆護着他免被拍攝。
對於揭出涉嫌虛報裝置及機械組件重量，AK說：「我哋有一下係好震驚，個數量係爭咁遠，呢個係我哋今日知道後比較大嘅感覺。」Lokman說當時覺得演唱會出現甩漏，是機關錯誤問題，可能在開騷前能解決，更說沒有表演者因為擔心舞台危險而拒絕上台，因為全部人都很專心表演：「因為由一開頭表演，老師都教我哋『The Show Must Go On』，唯一嘅問題，係解決一啲問題，公司都話有咩危險嘅就cut，為安全起見，冇任何舞台效果都冇問題。」
Edan說一直以為舞台是安全，只是機關出現甩漏：「其實一直綵排都覺得個台係安全，因為我哋所講嘅甩漏，都係啲機關未上返嚟，或者機關timing未啱，而唔係舞台安全問題，我哋有表演上疑問，而唔係個安全問題。」對於涉事屏幕早有問題但冇人去維修處理，AK稱全不知曉：「我哋好少望去上面，我哋專注喺舞台，留意表演範圍嘅嘢。」騷前綵排有兩至三日，AK稱這個入台時間屬正常，但如果參與如郭富城那類較多機關的演唱會，才會增加日子綵排。
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #mirrorhk #mirrorweare #keungto #姜濤 #盧瀚霆 #ansonlo盧瀚霆 #AnsonLo #ianchan #Lokman #frankie #stanleyyau邱士縉 #altonwong #Jer #jerlau柳應廷 #Jeremy李駿傑 #AnsonKong #edanlui #tigeryau #MakerVille
部份圖片：my903.com商業電台fb
Comments