王家衛執導兼擔任總監製的內地劇《繁花》，演員鄭愷、佟晨潔及鍾鎮濤今晚（13日）在香港參加《幻彩詠香江—上海之夜》，而本為上海人的楊穎（Angelababy）及琦琦等也有出席。剛在上月底踏入35歲生日的Baby久未在港公開露面，以白色晚裝示人的她狀態大勇。
在上海出生、在香港長大的Baby，說同樣喜歡上海和香港，尤其兩地的美食：「上海係出世嘅地方，而家我小朋友都住喺上海，上海有好多小食，排骨年糕、菜飯、紅燒肉。香港嘅雞蛋仔、叉燒包、叉燒、燒鵝都好美味。」對於好友鄭愷主演的《繁花》，她說自己有看過原著，指劇集播出後引起熱討：「令好多唔係上海嘅人，都好想嚟上海旅行。」
問到兒子「小海綿」有否同行來港，Baby說此行逗留時間短，加上兒子要上學，所以未有母子同行：「之前有帶佢嚟香港，坐天星小輪、去商場、海洋公園、迪士尼。佢喺上海返學，讀一年班有啲曳曳，所以要返多啲睇佢。」至於兒子有否送她生日禮物，她笑說：「初時佢畀新年利是我，我話唔要，叫佢自己保留，跟住佢將屋企嘅公仔收集埋送畀我。」
Comentarios