歌手陳毅燊（ANSONBEAN）早前被網民拍得和女子組合Beanies成員張天穎（Jaime）以拍拖姿態現身中環AIA嘉年華，前晚他出席電影《填詞L》首映時坦認戀情，稱雙方正在發展中：「我哋剛剛開始正在發展中，都希望大家畀啲空間我哋。我哋都係今年先開始。我絕對冇諗過咁快公開，但被人影到因為我哋都冇刻意收埋，如果拍拖要收收埋埋都唔舒服啦！而家公開咗就開心囉！」
問到喜歡Jamie的原因，ANSONBEAN一臉甜笑：「同佢好夾，溝通上好舒服，好有才華好Cute，見到佢Keep住做歌剪片，我係畀佢團火打動到，對我正面影響好大，互相支持係好緊要，所以我好開心同感恩。我哋有共同朋友認識，我會話係我追佢，我主動啲。」
ANSONBEAN指媽媽都是睇看到報道，才知他的戀情，又說暫未見家長：「屋企人有叫，我哋暫時都忙，會盡快安排。」他續說Jaime隨後開騷，他一定會去支持，更呼籲大家去買飛。
Comments