被封為「學霸甜心」的ACE娛樂旗下藝人Kylie C.（鄭杞瑤），除了樣子甜美兼魔鬼身材而廣受注目外，睇波資歷逾十年的她，曾主持世界盃等講波節目，對賽事深度精闢的分析，被指是新一代「講波女神」，曾登上10大網紅排行榜首位。人氣不俗的Kylie C.早前被身在韓國旅遊的網民野生捕穫，見穿露腰裝的她在街頭跳舞並爭點發生意外！
原來當時Kylie C.在馬路邊專注地跳舞時，未有留意身後正有一輛電單車駛近，幸好該名司機及早留意，否則後果不堪設想！
Kylie C.接受訪問，說想不到有香港的網民在韓國碰到她，又稱幫忙拍街頭跳舞片的朋友，也有拍下爭點發生意外的一幕：「好多年青人都會喺嗰到又唱又跳，我跳舞時太投入，冇留意成個環境，下次要搵個安全啲嘅地方！」至於為何會在韓國街頭跳舞，笑言是要把握時間練舞的她，說是在ACE娛樂的兩位老闆「美容教主」唐安麒及韓國社長Yong Heo安排下，到Yong Heo擔任社長的YS Group旗下的演藝及模特兒中心學藝。
韓流襲全球，不少年青人都到韓國當練習生，Kylie C.說難得社長在韓國有完善的演藝及模特兒訓練系統課程，所以把握機會赴韓接受「韓國偶像美妝髮型課程」，更令她意想不到的，單是跳舞課程已有3大著名韓國舞蹈老師親自指導！原來3位名師Yechan、Gahee及Bella，是韓團EXO、BLACKPINK、2NE1、NewJeans等的導師，在韓國享負盛名。
Kylie C.自言向來對跳舞有興趣，但要找到好的導師不易，是次受訓大開眼界，更自爆對導師Yechan「心心眼」，她說：「我喺韓國冇乜見到靚仔，本身又唔會對韓國人或外國人有興趣，但係Yechan老師跳舞時真係超級有型，我真係被佢吸引到！」
Kylie C.也非只顧「昅仔」，下課後也會把握時間練習，跳到鞋底都穿！她說：「上堂時見到好多韓國訓練生，本身底子好好，好快就會跟到，但我可能自己生疏咗，要跟上進度嘅時間會耐啲，所以我會喺公司瘋狂練習，先可以跟得上。但因為我唔係成日跳開舞，着嗰對鞋又唔太啱，所以跳到個鞋底同埋對袜都穿埋，哈哈！」
Kylie C.是次接受的課程是全副「舞妝」，不單學跳舞，亦要學韓式化妝，她說：「真係好誇張，佢哋嘅化妝技術，好似易容咁，同我哋平時好唔同，淨係個底妝已經化得好好，素得嚟又唔會覺得化咗妝咁，但睇落去又好透亮。搞笑嘅係，我本身唔係好識畫眉，當我學而家流行嘅粗眉時，我畫到自己成個『蠟筆小生」咁。」
【想知最HIT最爆香港韓國娛樂動態？LET'S GO《韓港報》！www.khongkongdaily.com.hk】
Comments