姚焯菲（Chantel）、韓國女星鄭秀妍（Jessica）及文詠珊等名人昨日（11日）在香港出席品牌活動，場外有大批Chantel及Jessica的粉絲吶喊應援，聲勢浩大。剛從紐西蘭港的Chantel，說今次會留港大約一個多月，並準備本月21日的演唱會《聲夢飛行 WHAT WE BECOME LIVE 2023》，包括積極keep fit、戒食澱粉質、甜品等。
Chantel對於和After Class成員再合體特別高興：「好多人話我哋解散，其實我哋喺唔同國家，唔係解散，都仲係一個團嚟嘅。」她續說希望可以開個人演唱會：「我覺得18歲之後啦，我覺得自己仲係小朋友，未handle到咁大個演唱會嘅壓力，所以18歲就會更加成熟去面對呢樣嘢。」
聖誕節將來臨，Chantel說會跟同家人歡度，稱現在單身冇男友：「我冇男朋友喎！聖誕節咁溫暖嘅節日，係要同家人食大餐。朋友全部喺聖誕節前去晒旅行，希望可以喺佢哋飛之前約到，同埋我冇男朋友。」
另外，Jessica在現場見到Janice Man，即興奮上前打招呼，兩人手拖手傾計。Jessica受訪時說每次來港都很開心，因為有很多朋友在港，對於新歌《Get it? Got it? Good》MV，Jessica說會帶來驚喜外，更說希望完成世界巡唱後去放假：「今年很多工作，剛推出專輯《BEEP BEEP》忙於各地宣傳，之後要為演唱會做準備，所以聖誕會選擇放假充電。」
至於文詠珊則說和丈夫一向隨心，不會刻意造人：「應該要調理下先，今年都病咗幾次，呢排又好多人感冒，自己都要平衡吓，不過有時要做嘢，忙起上嚟都冇辦法。」
Comments