曾參加ViuTV選秀節目《廣告女皇》的Ching Q，早前在《ACE演藝模特大賽》中獲雙冠軍包括SNS STAR網星獎冠軍後更受注目，最近這位宅男女神作出「零的突破」，在本地足球專頁「波波池」分享波經。雖然Ching Q處女下海，首次評述足球賽事，但日前分析社區盾阿仙奴對曼城、以及英超開鑼戰曼城作客般尼，表現有板有眼，完全零怯場，做足功課！網民對她具水準的表現感意外，大讚叻靚醒，笑言是「最索曼城迷」，更有不少網民留言鼓勵：「終於有曼城女球迷講曼城，加油！」、「Ching Q又靚女又叻，分析得唔錯！」、「新講波女神！睇波更醒神！」
Ching Q接受訪問時，表示十分感謝網民的鼓勵，並自爆是曼城迷，平時會搜尋及留意有關球隊或賽事的最新消息：「我其實係曼城fans，因為我平時低調冇講，所以冇乜人知，我見其他人都會喺網上分析，所以我都想試吓，講吓曼城！」
英超開鑼，對Ching Q來說當然是大事，一提到曼城在揭幕戰作客3:0大炒般尼，更是七情上面：「雖然捱眼瞓睇波好攰，但見到愛隊贏咗，乜都抵晒！」她說睇波良伴是零食及面膜，睇波時都可以keep住靚外，Now E一定不可少！「一個account可以同時睇2場唔同嘅賽事，加上新增快速轉台功能，想轉睇另一場波，㩒個制就搞掂，唔使驚會miss咗最精彩嘅moment！買埋英超西甲通行證，可以睇晒380場，其中100場仲要係高清直播。」
Comments