女團COLLAR自今年1月合體慶祝成軍一周年後，於日前在中環舉行的國際大型戶外音樂及藝術節《Clockenflap 2023》再合體，全員跳唱《Call My Name！》及《OFF/ON》等，更首次與RubberBand聯乘合作，成員So Ching說：「同RubberBand合作體會好深，無論係鼓手、結他手、主音，都會有自己發光嘅地方，感受到佢哋對自己崗位嘅熱愛，正正係呢份熱愛，令Live嘅演出好有heart。」Ivy說在RubberBand身上學習到聲線運用：「對自己把聲多咗探索，覺得佢哋好識得帶動氣氛。」Gao說：「同RubberBand band rehearsal時，好似係視聽感覺提升嘅享受，似live表演，自己參與其中真係好開心，好有Feel。」
能夠參與音樂盛事，COLLAR極度興奮，Candy說：「今次係COLLAR首次參與Music Show，而且同場仲有好多國際巨星，所以感覺真係好榮幸。」Day說感覺非常新鮮：「自己平時都好鍾意睇戶外嘅舞台演出，一直好期待可以咁樣同觀眾互動。」為帶來完美演出，騷前COLLAR積極排舞及Keep Fit，芯駖說：「綵排咗好多次，花咗好多時間練習揸咪跳唱，因為之前係用headset mic，隊員都有積極減肥，大家都好似絕食咁，務求以最好體態上台。」
另外，當晚Marf與Winka分別演繹「單飛」新曲《*~Silencio…Shh》及《一手造成》，為首次公開演繹新歌，Marf說：「我哋用咗好多時間同心血去準備呢兩首solo歌，因為跳唱完《Call My Name！》同《OFF/ON》後，再跳唱自己首新歌，所以都緊張，擔心聲線同唔夠氣，不過事前咁多成員幫我暖場，又有好似family咁親嘅朋友同我一齊跳舞，成件事感覺好溫馨。」Winka為了Solo演出，事前做足養聲功夫，她謂：「心理上唔可以太緊張，緊張會對件事唔好，但又唔可以太興奮，心理上調節之外，由於自己容易聲沙，所以會透過針炙、食中藥保養吓把聲，以最佳狀態上台。」
Comments