MIRROR成員呂爵安（Edan）將在亞博舉行處男演唱會《EDAN LUI “IN MY SIGHT OF E" SOLO CONCERT 2023》，開騷前夕更一口氣推出兩首新歌，其中一首新歌《Again!》的MV，找來《膠戰》好友岑珈其、徐浩昌 (肥腸)及黃正宜(阿正)上陣拍攝。
新歌《Again!》由Edwin作曲、周耀輝填詞、Edward Chan監製，Edan說:「做人開心唔係咁簡單，但呢個世界好多人都陪住你，好多嘢可以重新嚟過，一齊去努力令到件事變得更加好，所以想用呢首歌帶正能量鼓勵大家， 話俾大家知，好多人陪住你哋㗎!」
歌曲雖然看似沉重，但MV風格截然不同，Edan說:「想用輕鬆少少嘅方式表達，所以同導演講不如玩啲搞笑啲嘅嘢，因為一直以嚟冇乜邊隻MV可以好搞笑好瘋狂。一諗就好啱《膠戰》嘅朋友，特別啱肥腸、珈其同阿正，Hilary同Jeffrey就唔係好啱嘅角色，所以我同佢哋講，唔好意思，你哋太靚，下次先! 因為拍《膠戰》以外， 都冇乜機會同佢哋合作，可以搵佢哋一齊玩，所以好正! 同埋準備緊演唱 會，我可以掉晒俾佢哋做，我對佢哋嘅演出都好有信心，咁我就輕鬆啲，令到今次係我拍攝時間最短嘅一次嘅MV。」
岑珈其、阿正及肥腸的造型帶來驚喜，Edan表示要歸功幕後人員，Edan說:「花咗好多心思，特別係一諗起阿正做奸角，就覺得要俾粒墨佢，結果成個造型都好襯佢，係Perfect Match，其實佢間唔中出show都可以試下咁做，好啱佢Punk Rock嘅形象。肥腸直情突顯佢嘅優點出嚟，好吸睛，一定會望住佢。珈其整埋個頭，好啱佢MK年代，將佢哋3個嘅優點放大!」
Edan說感激幕後團隊為他精心設計精靈造型: 「我個角色係一個精靈，守護個女仔，呢個妝同造型 用咗兩個幾鐘，黐上去嘅假耳仔都整咗6個鐘，成件事好有心思。」
Comments