MIRROR成員姜濤、呂爵安（Edan）、Anson Lo（盧瀚霆）及柳應廷（Jer）已飛到馬來西亞，準備參加明天（14日）舉行的的大型音樂節《ONE LOVE ASIA FESTIVAL 2023 》，推出新歌《ChatMrE》的Edan，在酒店休息期間不忘玩ig，惡搞自己成為「Mask版ChatMrE」，至於姜濤一樣惡搞自己，變身做「大眼姜」及「大鼻姜」，十分搞笑！
另外，Edan為網上行netvigator拍攝新一輯廣告，全程捕捉Edan肉緊打機的樣子，他說喜歡上網，休息時會宅在家打機，甚至相約友人上網開戰：「拍嘢休息時，我會玩手機。放工返到屋企，就算好攰，都要打鋪機先去瞓。唔能夠接受打機時斷線，前功盡廢，等於玩完輸晒，令人好躁同好嬲。」而Edan上網另一目的，是更新社交網向「爵屎」分享最新動態或開live傾偈，對於「爵屎」的讚美，Edan說不會飄飄然：「我班爵屎好sweet！我唔會覺得自己好掂，比較喜歡聽到睇到其他人對我嘅客觀感覺，尤其係爵屎同我講佢哋啲朋友睇過我嘅作品後，開始對我產生好感。」
Comments