梁詠琪（Gigi）昨晚在紅館為一連三場的個唱《梁詠琪時間遇上我們》揭開序幕，首場除了有老公Sergio和女兒Sofia到場兼高舉燈牌支持外，圈中大批好友也到場包括契爺許冠傑與太太、蔡卓妍、許茹芸、關心妍夫婦等。Gigi以靚衫靚歌回饋樂迷，獻唱《至死不遇》時更與舞蹈總監Chris共舞，展現苦練舞技成果。
在電影《闔家辣》中和Gigi合演兩母子的MIRROR成員呂爵安（Edan）擔任嘉賓，是他出道以來首次以個人身份擔任演唱會嘉賓，與Gigi合唱《LOVERSE》時獲樂迷尖叫歡呼。 Edan恭喜「媽咪」Gigi再開紅館騷時，Gigi即說：「明明我似你家姐㗎嘛！」Edan即賣口乖：「係！其實真係似家姐多啲嘅！」Edan更多謝Gigi在拍戲時，主動跟他傾偈及關心，令當時首次拍電影的他能放鬆心情，Gigi即搞笑說： 「你咁靚仔，梗係同你傾偈啦！」。
Edan自爆知道要見Gigi後，立刻出動「秘密武器」 ，就是穿了厚底「增高鞋」上台，合唱《高妹正傳》後，Edan笑言Gigi不用再做他「媽咪」，可以做他的「高妹」，代表身材很高的妹妹。Gigi更提起Edan的終身大事：「我知你有好多個選擇嘅，不過講到終身大事，我幫你揀咗喇。」 Edan反問：「揀咗邊個？」其實Gigi是指幫他選擇接下來的計劃，就是踏上紅館舞台，並期待屆時自己在台下支持「囝囝」載歌載舞。
在Encore環節中，軒公張敬軒突然在Gigi唱《他喜歡的是你》時現身，Gigi指上次與軒公見面是到紅館擔任對方嘉賓，笑指：「我哋通常約出嚟嘅地方都係紅館，真係好高級。」軒公則說在學生年代約同學睇《初戀無限touch》的往事，到現在依然記得電影中：「你喇沙我喇沙！」的經典金句外，又問Gigi幾時再留長頭髮：「我覺得Gigi (留長髮)出到嚟係靚過王祖賢呀！」Gigi指有生之年，會留多一次長髮。之後Gigi和軒公手拖手合唱《櫻花樹下》，軒公更即興改歌詞，把「懷念美好高中兩年」改唱成「懷念美好高妹兩年」。於個唱尾聲Gigi感謝樂迷一直支持，並眼紅紅的說：「團聚真係唔係一件唔容易嘅事，今天終於同五湖四海朋友相聚。」五年後再開個唱，Gigi坦言一直抱着一份懷疑，幸有老公Sergio以「trust the process」來鼓勵。
Comments