MIRROR成員呂爵安（Edan）昨晚（25日）開始，一連三晚在亞博舉行入行以來首個個人演唱會《EDAN LUI “IN MY SIGHT OF E” SOLO CONCERT 2023》，吸引大批圈中人捧場支持。施展渾身解數又跳又唱的Edan，分別以Rock、型格等造型上陣，期間又化身巨型熊公仔獻唱出《小諧星》，之後更「文青安」上身！
Edan說：「我係小諧星Edan，歡迎大家嚟到Edan首個solo show！第一件事就係要除衫，大家有冇估到隻熊仔係我扮？開場造型壞唔壞？係咪『壞過凱婷』先？紋晒身咁，大唔大隻呀？我冇時間操，都唔大隻。我頭先喺台下仲覺得好夢幻，其實第一場係最好睇，因為睇第二、三場都已經被劇透。」
為滿足「爵屎」，Edan開現場版IG LIVE，以招牌孖煙囪上陣，他笑說：「成日話我IG不斷自己講、唔睇Comments、唔答問題，今日就答你哋問題！」「爵屎」的問題，焦點都是Edan會否除衫，而Edan更為「爵屎」何太拍片，向她的老公交代：「希望你唔好咁憎我啦！」
期間Edan玩自抽，說做偶像不可以做3件事，「千祈唔可以舉中指，我向港大同廣大市民道歉！企硬，舉中指，衰硬！」他續說第二件事是不可講粗口，笑言MIRROR及ERROR的follower不同，因ERROR講粗口：「Jer唔講粗口，193講粗口，但193 follower多啲，呢啲咪係實力派同偶像派嘅分別囉，偶像派又好，實力派又好，千祈唔好開餐廳呀！」明顯是搞笑寸爆投資餐廳失利的Jer及肥仔等。
#韓國#香港#韓港報#khongkongdaily#韓國新聞#香港新聞#韓國娛樂#香港娛樂#mirrorhk#mirrorweare#edanlui#edanlui呂爵安#呂爵安#呂爵安edan#爵屎#InMySightOfE#壞過凱婷
コメント