「小薯茄」成員麗英推出新歌《全死角美少女戰士》，邀請資深藝人馮素波（波姐）及人氣女團COLLAR沈貞巧（Gao）客串助陣，分飾清潔姐姐及OL玩轉辦公室。之前扮MIRROR成員Anson Lo成熱話的波姐，說知道麗英是大受歡迎的年輕網紅：「大家相差半個世紀都可以一齊合作，非常愉快。導演畀我自由發揮去演繹我童年嘅開心回憶，叫我唱歌又得、跳舞又得。我都好耐冇跳舞，真係跳到一身汗！」在MV中波姐因刻板的清潔工作而變得頹廢，被麗英喚醒心中的「美少女戰士」：「雖然拍攝時好似『癲癲得得』，仲跳上枱跳舞，其實我係一個好開放嘅長者，希望借機鼓勵下年輕人！」
首次和麗英合作的Gao，說初時以為對方是搞笑幽默，但合作後才發現是性格細心，以及很照顧他人。對於今次演OL，要戴眼鏡及着套裝，Gao笑言向來很少斯文打扮：「我好喜歡今次個角色，OL造型紮孖辮、戴眼鏡、頭箍，應該喺一個幾新嘅面貌畀大家見到！」
《全死角美少女戰士》的誕生，來自麗英常以「全死角美少女」來自嘲外表不符合大眾審美觀，但她認為每人都有獨特天賦，應學會欣賞和接納自己，就如《美少女戰士》一樣去捍衛理想，勇敢向前，即使世事多變，面對迷惘時，也要鼓勵自己及身邊人，掌舵自己的人生。
Σχόλια