在下周一（27日）首播的ViuTV原創劇《和解在後》，是COLLAR成員Ivy So（蘇雅琳）首部劇集，也是第一次擔正做女主角，昨日（24日）她和同劇的演員包括趙善恒、谷德昭、岑珈其、李敏、Sica（何洛瑤）及袁綺雯等出席記招。身為男主角的趙善恒，也是此劇的導演，雖笑言在700萬人中選Ivy So做主角，但認為她很有演戲天份，演繹自然：「唔似第一次拍戲，佢應該上一世都係做戲。」
Ivy So自評演出只有60分，認為在講對白等方面仍要進步：「今次拍劇學到好多嘢，但自己睇番，永遠覺得可以再演好啲，初段時較為緊張。唱歌同拍劇都好鍾意，拍劇好開心，但唱歌跳舞又好滿足，係拍戲取代唔到。」她十分感激粉絲們安排巴士應援支持，會把自家畫作送給粉絲以答謝外，笑言在劇中和她有感情線的柯偉林成為「攻擊」目標：「有粉絲話要準備刀，講笑啫，沒嘢嘅！」對於MIRROR成員呂爵安（Edan）分享和Anson Lo的合照，慘被網民批評「炒CP」後反擊，她說未見過有激進留言：「見到嘅留言都好Sweet，都係鼓勵性。」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #IvySo #ivyso #蘇雅琳 #ivy蘇雅琳 #collarweare #collarivyso #ivysocollar #ivyso蘇雅琳 #蘇雅琳ivyso #蘇蝦 #趙善恒 #岑珈其 #和解在後 #ViuTV #ViuTV原創劇
Comments