人氣女團COLLAR成員Marf（邱彥筒），推出本年度第三首單飛作品《// Undecided //》並以矛盾為題，她說：「相信好多人心中都有呢份困擾，又想又唔想咁，但呢啲矛盾思想係控制唔到，所以今次首歌會有好多觀眾可以代入，勾起共鳴。」
之前推出《*~Silencio…Shh》、《fOoL##》的Marf，說《// Undecided //》令她跳得最爽：「聽到demo時，呢首歌本身係男聲，所以感覺好特別，畀到我嘅畫面已經係好好跳，因為我以往喜歡嘅歌同跳舞，都係特別肉緊嘅類型，所以聽完demo後，我就想試下做呢首歌，嘗試挑戰男仔頭少少嘅嘢。」
MV以《那年盛夏我們綻放如花》的班底為主，身為愛犬之人的Marf說最難忘是跟狗狗合作：「今次拍攝都幾多難忘事，MV感覺似dance version，仲有隻都柏文狗出現，佢陪我拍咗兩、三個鐘，可以同狗一齊拍攝，好開心。」她預告年尾前會推出一首歌：「下首歌會係本年度全年總結，所以十分期待，而出年嘅歌曲安排中，會有特別嘗試。」
對於首部擔演的劇集《那年盛夏我們綻放如花》大獲好評，網民更以神劇來形容，Marf說：「好驚喜，好開心大家咁鍾意，呢套劇令所有演員都好開心同好感動，本身冇期望太多，所有嘢都係做咗先算；嚟緊超級想開續集，期待同一個班底，做番同一件事，又或者係更刺激嘅事。」
Comments