女團COLLAR成員Winka陳泳伽推出首支個人派台單曲《一手造成》，帶出「懂得去愛另一半嗎？」這訊息，更是Winka昔日的愛情寫照，她說：「歌曲內容好多來自自己嘅愛情故事，拍拖時會嫌棄對方呢樣嗰樣、覺得對方錯，但回頭諗一諗其實係自己問題，所以分手結局都係自己一手造成，想透過自身愛情經歷跟大家分享與反省。」
Winka邀請《全民造星V》的參賽者Nathan魏念恩擔任MV男主角，上演情侶間的親密互動，Winka笑說：「我怕醜，但唔尷尬，我係面皮好厚，況且歌曲內容係自己嘅故事，所以好快投入狀態。」
Winka和Marf邱彥筒同日各自推出單曲，並齊聲說無懼被比較，更呼籲粉絲互撐，Winka認為兩首歌的整體曲風、內容完全不一樣：「大家同日出歌，可以多啲互動，大家嘅粉絲可以聽對方嘅歌，非常唔錯。」而她和Marf因都是雙子座，加上同日出歌，所以自稱是Gemini Twins，表達雙子座的雙面一剛一柔。
Comments