炎明熹升呢做師姐，見證任暟晴奪冠。
任暟晴表現超卓。
黃洛妍臨場失準，屈居亞軍。
趙紫諾奪季軍。
炎明熹要兼顧學業及歌唱事業。
無綫音樂選秀節目《聲夢傳奇2》在周日（2日）誕生「聲夢王」，現年16歲的Jasmine任暟晴贏得冠軍傳奇新星殊榮，亞軍是Janees黃洛妍，季軍則是Sabrina趙紫諾。一直被視為大熱門的黃洛妍屈居亞軍，她說：「好似好多人期望，但係我又令佢哋失望，而我最怕令人失望，反而咁樣令我有啲失落。呢次係好好嘅經驗，因為我基本上未試過會失準。」
演繹《我等到花兒也謝了》及《瘋了》的任暟晴，賽後說是次表現是連日排練以來，最滿意的一次：「冇計過練咗幾多，我唔識跳唱，所以為咗穩定性，喺屋企一邊跑步一邊唱。」她說會兼顧學業及歌唱事業，家人也要求她以學業為重。被指為「翻版全智賢」的任暟晴，同時又被指是韓國女團BLACKPINK成員Jennie和無綫小花游嘉欣的混合版，她3、4歲開始學唱歌，在英國皇家音樂學院ABRSM考試中，聲樂及鋼琴均考達8級水平，曾參加逾10項學界或校內歌唱比賽。
升呢為師姐的炎明熹擔任表演嘉賓，賽後被問到會否擔心會被新一屆冠軍超越，她即說：「大家一齊努力，點解要驚呢？」她續說稍後會錄新歌，更言因將升讀中六，要預備考DSE，強調學業同樣重要：「未睇定邊間大學，想讀音樂或時裝設計，我認為課本上學到嘅嘢，未必喺音樂上學到，音樂嘅嘢同樣未必喺讀書時學到，所以希望可兩邊兼顧同平衡。」
相片來源：stephenmakeup ig, starsacademy.official ig
Comments