是華人樂壇瑰寶的「哥哥」張國榮，雖然已離開我們20年，但其舞台上的風采、電影中的魅力，至今無人能及，亦未有被遺忘。踏入哥哥逝世20周年，紀念活動隨之而生，哥哥生前的經理人陳淑芬會舉行紀念音樂會外，環球唱片推出的《REMEMBERING Leslie》企劃，集合不同樂壇新血獻聲，繼之前MIRROR成員Anson Lo盧瀚霆唱《偷情》後，《聲夢傳奇2》冠軍Jasmine任暟晴重新演繹另一首哥哥的金曲《怪你過份美麗》，MV於昨晚（17日）推出。
金曲新唱，Jasmine的演繹增添上了一份青澀內斂的味道，以女生角度訴說愛情故事。談及錄音過程，Jasmine說：「呢次喺我人生中第二次入錄音室，而兩次都喺Eric Sir（郭偉亮）做監製，今次比起錄自己嘅歌更為緊張，因為擔心未能夠將首歌嘅神髓呈現出嚟。多謝Eric Sir將成個故事講解我知，有啲句子佢仲會親自示範點唱，亦會用其他歌做例子，令我更容易明白點樣用適合的聲調和感情去唱，非常感恩學咗好多新技巧去拿捏一首歌曲。」
Jasmine指要唱《怪》曲是有難度：「有好多技術上要克服嘅事情，特別喺一啲比較密密麻麻嘅歌詞。因為平時唱開慘情歌較多，今次呢首歌嘅編曲比較輕快，希望觀眾可以睇到我唱另一風格嘅歌，用自己方法去演繹哥哥一首經典嘅歌曲。」她續說哥哥無論唱任何類型的歌曲，都令她完全溶入在故事中，更說哥哥的魅力和才華，無論在歌唱或電影事業都演繹得十分出色，絕對是值得後輩學習。
任暟晴 Jasmine -《怪你過份美麗》MV：https://youtu.be/UbFK_vm0Hk4
Comentários