MIRROR成員柳應廷（Jer）聯同王雙駿、吳林峰、Oscar及ONE Orchestra製作新歌《Dear Children》，目的是Jer因有見不少年青人因受壓過大而輕生，希望借新歌來為年青人打氣及減壓。「期盼世界變好 期盼人們安好 期盼平凡清早」這幾句歌詞，是Jer特別深刻：「呢幾句好簡單但好有力，同時可以提醒大家，年輕人，包括我，要嘅嘢、要求嘅嘢好簡單，一個平凡日子就夠。」
Jer說：「近期好多新聞，年輕人面對好多唔開心嘅事，有人選擇結束生命。佢哋雖然已經成年，但佢哋都只係內心帶住孩子氣嘅一群。我好想用呢首歌提醒大家，唔係淨係得佢哋自己面對困難，呢個城市裏面不論大人小朋友，都會遇上好多生活或者工作上嘅壓力問題，選擇結束生命唔係唯一嘅出路，有時候可以聽歌，歌曲會陪伴住大家渡過唔開心嘅時刻，面對唔開心嘅事。」
Jer分享自身經歷，曾面對無形壓力：「最大迷茫係啱啱讀完書，要出嚟搵工，屋企人冇俾壓力，但自己覺得要搵份工作回饋返屋企，因為當時我夾Band，又唔係好多收入，屋企或者社會冇直接俾壓力你，但係有一種無形嘅壓力。而家嘅社會再加埋網上嘅評論、電子普及化，令到而家嘅年輕人好易被受攻擊，佢哋面對嘅壓力，比起我哋以前一代更加大 。」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #mirrorweare #mirrorhk #jerlau #jerlau柳應廷 #柳應廷 #柳應廷Jer #柳柳粉
留言