古巨基的音樂企劃《I Really Love To Sing》（IRLTS）再搞搞新意思，和Tyson Yoshi重新塑造經典歌曲《2nd Favourite第二最愛》。基仔說大約在一年半前在Youtube聽到Tyson Yoshi的音樂：「認識後，發現佢除咗做音樂、寫歌、Produce，佢連做導演、story board、美術，所有嘢都好全面。我話：『你唔只係『Singer』，你係個全能嘅『Creator』。」
因Tyson Yoshi說第一首聽古巨基的歌，就是《第二最愛》，所以決定選擇這歌曲。基仔說：「我覺得既然咁有意義，就當然跟佢揀定咗呢隻歌。我心諗：『我都幾期待呢隻歌可以點樣變成你嘅style。』」
談到錄音過程，Tyson Yoshi：「以前係喺電視見到你，而家你喺我面前，我戴住耳機聽住你即時唱嘅歌，好難形容嗰種感覺！」基仔即說：「好似貞子咁喺電視爬出嚟？我又夠係喺YouTube睇開你，你喺電腦出咗嚟我面前，一樣好難形容呀呢種感覺，哈哈！」
基仔稱《2nd Favourite第二最愛》是《IRLTS》唯一一首全面交託給合作單位的作品，包括重新改編、監製、甚至MV執導，都由Tyson Yoshi親自操刀。Tyson Yoshi說：「MV講一個現代fuck boy孤獨嘅故事，然後上一代嘅fuck boy（指着基仔）而家已經做咗爸爸，以一個過來人嘅身份喺中段出現，唱番原版嘅歌詞。哈哈，我意思係話喺個戲內古sir飾演上一代fuck boy。個故事係每個男仔、男人都會經歷過，或者feel到過嘅另一種loneliness，係幾好玩嘅。」
基仔說今次MV拍攝十分有趣：「我主要係匿喺Tyson 嘅床下底唱歌。床上面啲主戲交晒俾你演喇，有好多囡囡。」Tyson Yoshi即說：「係！嗰邊仲有好多仔仔㖭。」隨後基仔拿起現場的黑色bra top並說：「但你掉啲咁嘅嘢落嚟……」Tyson Yoshi搞笑地說：「乾淨嘅乾淨嘅。」
Comments