MC張天賦
林家謙
Anson Lo, 姜濤
2022年度叱咤樂壇流行榜頒獎典禮》記者會昨日（10日）在昂坪市集舉行，本來是MIRROR自演唱會意外後首次全體出席公開活動，因Edan、AK及Tiger有工作在身，被迫缺席，但仍無損9子姜濤、Anson Lo、Ian、Jer、Jeremy、Lokman、Frankie、Stanley和Alton的聲勢，大批鏡粉為佔靚位見偶像，通宵紮營等候，Lokman表示擔心：「唔知佢哋夠唔夠水、夠唔夠衫，夠唔夠嘢食。」對於明年將再於紅館開騷，MIRROR表示不知情，問到會否害怕再踏紅館，Lokman稱未必驚，Jer說感覺可以，認為大家享受做這件事，Jeremy認為在舞台演出是珍貴的事，Frankie則稱要踏出第一步。
【AL：傷者緊要過我哋！】
首次出席公開活動的Anson Lo狀態十足，坦言再次見到粉絲，非常感動，並說過去兩、三個月是休息，認為時間總要過，要繼續正常生活，並會為拉闊騷做好準備，以答謝粉絲。他主動提及留醫中的好友李啟言（阿Mo）：「最緊要，唔係我哋走唔走得出呢個陰影，又或者我哋究竟係開心定唔開心，最緊要係大家繼續關注阿Mo、Zisac、阿峯佢哋所有嘅傷者，大家唔好唔記得。佢哋緊要過我哋，希望大家用不同方式打氣，可以係祈禱，可以喺社交平台集氣。（探阿Mo？）好想探，但佢家人未ready，依家每日我keep住問狀況係點，需要啲咩，我哋12個都一定會盡力幫。」
對於早前被指和Jeremy臨上機前兩小時發文「預告」從日本返港，令粉絲趕往機場而造成混亂，Anson Lo說：「Sorry，但我唔係預告come back，只係話最後兩小時去購物，造成任何人不便，好抱歉，明白Fans支持，不過安全最重要。」
【姜濤對獎項抱平常心】
另外，有份角逐新人獎的Jeremy和Alton，說沒有太大信心奪獎，Jeremy說：「做足200%努力就夠，可以畀大家見到每位成員有唔同特色，好努力做緊想做嘅嘢，就係我嘅目標。」Alton笑言：「我對Jeremy有信心，我對自己未來有信心啲。因為以客觀數字睇，作品嘅數量，Jeremy係客觀性地多機會，今次係同AK唱，所以都唔係朝呢個方向，所以對未來有信心啲。」
姜濤去年連奪「我最喜愛的男歌手」及「我最喜愛的歌曲獎」，問到有否信心冧莊，他說抱平常心：「對MIRROR嘅嘢有信心，希望大家拎到好成績。有MIRROR先有我哋，組合永遠最緊要。」Ian今年4首作品均參與創作，被問到有否信心奪唱作人獎或男歌手獎項，他說：「冇諗嗰方面，反而比較開心有空間推出自己唱、自己寫嘅歌，呢樣比較開心。獎項攞到當然鼓舞，但比較開心嘅，係大家認同我嘅歌。」Jer認為獎項並非最重要：「作品帶出訊息先係最重要，（係咪會出新歌？）嚟緊年尾會有一首。」
【MC盼奪男歌手獎】
MC張天賦表示身為男歌手，當然希望獲男歌手獎，目標是金獎，但畢竟仍是新人，認為需要多些時間成長及浸淫，又笑言會寫定感言：「我覺得自己未必有男歌手攞，所以我應該唔係勁敵嚟。（睇好邊個？）我個人好私心鍾意馮允謙。」
被視為男歌手金獎大熱的林家謙，笑說：「大熱天時着冷衫就真係大熱！」他說對獎項不看得很重，金、銀也沒所謂。問到是否較重視唱作人獎？他說：「今年有好多優秀唱作人，未必是係我攞獎，敵人係Serrini，我睇好佢橫掃全部金獎。」
Comments